今日香港確診第一宗甲型流感H1N1個案(前稱:豬流感)，因為呢種病毒會經空氣人傳人, 而且會至命, 我地聽到都好驚. Little尢其担心, 因為佢怕會影響到15日後我地嘅婚禮, 雖然我都有啲担心, 但天災人禍嘅嘢我地跟本控制唔到, 可以做嘅只係小心身體, 放鬆心情, 如果唔係到到嗰日原來咩事都無發生, 但我地卻因壓力而病咗咪仲唔底. 佢都好明白, 所以好快就無事了.我暫時無小朋友, 亦唔知會唔會有, 但有時都好担心我地嘅下一代要面對愈來愈嚴重嘅生態環境轉變, 全球暖化和病毒變種等呢啲問題, 雖然物質上嘅嘢愈來愈豐富, 但生活卻變得艱辛. 我對環保科學呢啲嘢一曉不通, 但我都覺得係我地人類浪費所一手做成, 所以, 而家我都會盡量少買嘢, 少用電, 食唔曬就唔叫咁多嘢食啦.
希望今次個病可以快啲搵到預防和治療方法, 離開我地, 離開地球吧!
沒有留言:
張貼留言