日本文化

工作了15年, 算一算, 不計summer job, 原來已經轉了第13份工.

今次第一次在日本公司工作, 以前返新工, 都只會有人問有沒有有關工作性質的經驗, 從來沒有人問過有沒有在美國或法國公司做過, 但今次第一次與Headoffice的人見面, 他第一句便會問你, 有沒有在日本公司工作過, 好奇心驅使下令我更有興趣. 為何會咁緊張有無在日本公司工作過......

2個月後, 有點發現......... 

之前已經聽聞過, 日本文化很有規則, 唔會遲到, 9點後唔食早餐.....

開會坐位編排有規則, 主人家一定要坐入面, 就算門口位置背向, 客人入去先都係坐門口位, 即係坐左入去就會用個背脊"得"住你入來....... (咁唔係仲無禮貌嗎?!)

好causal, 鍾意在公司換拖鞋, 仲鍾意除鞋"櫃"上張椅度...... 有風扇有暖爐供應, 我最like呢樣 

好重視internal control, 做少少嘢鬼咁多手續, 咩都申請一餐, 做稟議書 (好似minute咁) , 大公司都無咁煩.....

要用印章代替簽名, 但印章又要先得到approved........

英文唔會好好, 講講下會變左日文, 佢仲以為你會明嫁添..........

香港同事好Stable, 大部份做左10年, 甚至只係做過一份工,  聽佢地講日本那邊會是終身制, 做得幾唔掂都只會調去第二個Office, 唔會炒........ 好似政府工咁.......

對於我來說, 呢度係可以學到好多嘢, 可以好宏觀咁睇到好多以前大公司唔會睇到嘅嘢, 吸收不同的事物, 雖然暫時真係好辛苦, 但總有一天我會克服的......... 希望暫時唔會有第14份工吧.......    ............努力!!!

盲人摸象

今天度過了一個十分愉快的一天， 對我來說“十分愉快”的定義不一定是一大班人熱熱鬧鬧地玩樂， 反而會是很投入, 很盡興地好好傾談和互相分享， 當然如果時有得著更會是錦上添花啦。

我們講及一套電影,  當說及一些成人才會面對的家庭問題， 十歲大的姨生女很好奇地問及很多以她現在的年齡還未明白的問題， 例如: 為什麼個Daddy會同第二個女人生bb?! 為什麼之後那女人又不是和Daddy的太太一起住呀?! 等等類似的問題............. 她真的很可愛!!

我們幾個大人都希望深入淺出, 盡量令她明白多一點故事當中想帶出

的道理，  當我以為我們是單向地教育她, 做人應該從別人的角度去想多一點時, 她卻突然提出一句， 是否就像“ 盲人摸象”呀？！

這是我第一次聽到這個成語， 她很耐心地告知我, 這成語是講述4個不同的盲人摸到象的不同部位， 因而各人對“象”的型態都有不同的看法，寓意人對事情的看法都有盲點，當你不在其中時，會有不同的看法。

我又上了一課.........!!

和小朋友溝通真是一件很有趣味的事, 你以為你在教育她, 其實她也在教育你, 別以為自己高高在上,  人生經驗比她們豐富, 有時可能就是我們過於豐富而變得複雜, 在她身上會看見一份"簡單的美".......

芝士與老鼠

很多年前， 應該有8年了， 一位好友看見我轉了一份新工作， 但並不愉快，她借了本書給我， 叫“who moved my cheese”.  這本書是透過兩隻老鼠嘅故事， 而講出面對環境改變嘅正面做法。

其實每天我們也像老鼠一般， 為求生存而去努力， 努力工作， 努力休息， 努力去建立自己的家庭， 但其實努力背後， 有沒有靜下來想過， 自己的生存目標是什麼呢？！  

這個問題， 在我十多歲最需要努力讀書考會考的時候， 花了不少時間去想， 當然， 會考考得不好， 答案亦找不到。。。。。

過了這些年， 終於有點想法。。。。。。。係呢， 你想到了嗎？

今天， 希望透過這本書， 送給身邊的人， 希望他擁有多一點積極正能量， 尋找自己喜愛的道路！ 

閱讀

剛剛整理完畢自己的introduction, 發現喜歡的事跟以前有所不同, 以前喜歡睇衛斯理小說, 可以投入到發夢都見到啲情節, 現在卻愛上了中醫,  亦很高興自己多了瑜珈跑步這些運動, 已經像刷牙洗面一般, 成為生活的一部份.


剛與好友晚飯, 她是一位很有熱誠的體育教師, 每次與她共聚大家也必定投入愉快, 她告訴我從學生中發現一些事情, 就是愛閱讀的學生, 思想見識都會比起死讀書的好, 雖然他們未必是名列前茅的一個, 但卻一定是視野廣闊一點的, 我突然想起, 小時候的我也很喜愛閱讀, 可以一口氣不眠不休一天內看完一本書, 亦與當年的數學老師非常投緣, 經常互相交換閱讀心得, 學校閱讀報告要看的書, 我卻一早已看過, 不用再花時間, 但經過了多年之後的今天, 一本書卻可以看足半年之久, 退步多了............ !!


相信係時候要重拾這個興趣, 因為我希望將來我的子女也可以像朋友口中的學生一般, 不必一定名列前茅, 但卻必定要視野廣闊, 心胸廣闊, 所以一切要由自己做起...... ^~^

Long time no see 蘇小靜

久違了的蘇小靜， 話咁快又過左一年， 這一年生活跟之前並不一樣。

離開了很富貴的工作環境後， 突然想找些新突破， 去左做保險， 回想當時的決定， 其實同我一向性格一樣， 衡量過“輸得起”，便想做就去做。

那幾個月的生活， 感覺不像自己， 又或者是另一個自己，覺得自己好似參加左一次超級巨星咁， 每個星期要做Drill, 要學習眼神語氣去演繹， 表達自己smart 嘅一面。。。。腦袋雖然轉得快了， 說話反應快了， 表現自己多了， 但卻虛偽了！！  那段時間正常應該多找朋友sell sell自己， 找點生意商機， 但我卻偏偏相反，原因我還未清楚知道自己的定位， 仍在質疑保險是幫人還是騙人。

可能別人會覺得花了時間去考保險牌，  轉個彎卻說放棄便放棄， 真的唔consistence. 但我卻很清楚知道自己在做什麼， 我只想做一個“最自在”的我。

而且，這幾個月的training 不會白費的，應該學習的我會記住， 亦令我醒覺自己的唔consistence. 來緊亦希望自己可以實踐一下這個英文字吧！

沒有標題

剛剛看完朋友既blog, 突然想起自己都曾經有一個表達自己既blog，好似已被遺忘了 ：)

其實不是遺忘了它，可能只是因為生活已經慢慢穩定下來， 書又讀完， 婚又結完， 屋又搬定了，一個生活上沒有什麽改變的人， 想寫有時也會欠缺題材，工作嘛， 不太穩定才是我的穩定工作呢!

有時也很羨慕和佩服別人可以一份工作做十多年， 佩服他的接受與堅持， 但有時又會為自己的勇於面對改變而自豪， 敢愛敢恨，黑白分明， 這是我常常提醒自己的做人基本原則。

兔年快樂

换左部新手機， 可以用手機寫blog, 希望會寫返多啲啦!
新的一年， 新的希望， 兔年願望希望可以順順利利為屋企曾添一個新成員，雖然我知道Little有啲担心到時唔知點handle佢， 但我就会抱住煮到埋嚟就食既態度，只要去諗究竟响我地既人生道路上係咪想做呢件事呢! 如果係， 咁就唔好諗咁多， 衝左過去先算啦!
祝大家新年進步，身體健康 ^_^