肥新娘

身高只有5尺嘅我, 體重一直keep响95磅左右, 但近日一直向上攀升, 最新紀錄係尋日嘅101.80磅, 我見人人攪結婚都會瘦, 仲以為唔使減, 睇來都無咁著素喇!

12月24日公司放早, 1.00pm 就走得, 我地會計部一到1.00就齊齊拉大隊去唱K, 自裁員潮以後, 我地都唔知下年重有無機會一齊過聖誕, 所以今年大家都特別有mood.

明天便是2008年的最後一日, 這個08年我都算過得充實, 買屋仔, 攪裝修, 完成個degree 和終於有人要. 希望明年又會有個好開始吧!

周慧敏倪震宣布分手聲明

周慧敏和倪震宣布分手, 我沒有多大好奇此新聞, 但她的分手聲明, 卻令我很深刻: "一個人的問題，兩個人去修正；一個人的挫敗，兩個人去承擔。我倆是一個團隊的，沒分高低，輸贏也是一体". 沒錯, 兩個人相處真的要抱著這種態度, 愛就是包容和接受...............

病完又病

腰痛 > 生暗瘡 > 鼻敏感發作 > 感冒........ 食咗三星期藥, 終於今日好啲了, 同little响屋企樓下散下步,曬太陽, 行行下, 發覺個太陽落緊山好靚, 真係夕陽.....無限好......只是.......近黃昏呀!!!

芒果布丁丁丁!

星期五整咗'糕神'三姨教嘅芒果布丁, 雖然係第一次, 但係都好好好好食(五個好係滿分), 秘決就係要落芒果味雪糕, 但係行雲成個深井, 都搵唔到芒果味雪糕杯,條氣唔順, 為有買甜筒返去, 淨係攞啲雪糕出來用, 個筒就比我食咗, 雖然有啲click手, 但整完好好味, 都算無白費我咁辛苦食咗啲筒啦

一個人住的感覺之享受人生

尋晚自己玩煮飯仔比自己食:
6.30pm 放工
7.45pm 買完餸及回到家
8.30pm 食得, 嘩! 睇吓個樣! 係我最鍾意嘅肉醬意粉, 仲係自己整有感情分加! 食埋個生果, 飽曬!

一個人住的感覺

尋日又去屋仔嘗試一個人瞓, 今次終於成功了, 要克服自己的恐懼,真的不是一件容易嘅事, 需要好大嘅勇氣, 我諗我所驚的不只是鬼, 而係寂寞的感覺, 但我又問問自己, 我很寂寞嗎? 其實又唔係呀, 呢啲都只係自己加於自己嘅負面想法吧了! 要成家立室先要學懂獨立.希望我可以成功地學習一個人住.

在此多謝兩個好朋友的支持, Melissa + Sabrina, 唔會笑我低能和給我寶貴的意見!

奧巴馬當選了美國總統, 希望會係一個好的開始吧!

我和旦榚的約會

星期六去咗二家姐度幫手整旦榚, 今次係我嘅第一次, 原來自己整又熱辣辣咁食真係好過引, 旦味好重好香, 個面又翠卜卜咁. 下個月係Little和二家姐的生日, 等我都自己整返個先.

亞美的故事

中學年代比人改咗個花名叫'亞美', 係'母名'裹面嘅其中一個腳式, 我以前好唔鍾意佢地咁叫我, 但近排見返一個舊同學, 佢又亞美亞美咁叫我, 感覺好親切, 人大了, 原來好多嘢都真係會唔同.

更年期

今日睇新聞, 城市化現象引致二氧化碳排放量愈來愈高, 亞洲約有41%嘅人住响城市，到2050年更會增加到63%. 有時去旺角呢啲地方真係會透唔到氣, 好在我地嘅居住地點簡咗深井, 透氣都可以大淡啲! 但真係有啲担心我地嘅下下下一代仲可唔可以生存到.

呢排個人有啲醋火, 生咗幾粒大嘢响塊面度, 見到little仲想執佢兩制tim. 唉!!! 點解會咁呢? 唔通我提早更年期, 定係婚前緊張呢! 但仲有成7個月先到516, 咁咪仲有排緊... 慘! 點算

男女大不同

近排'迷'緊本書叫做 '男女大不同', 其實响2006年買的, 但當時無心情慢慢'lun'呢啲書, 而家睇睇下覺得好發人心醒, 雖然佢好重, 但依然願意每日攞住佢周街走. 2009年將會有頭家, 希望它可以比到啲小技巧我去同另一半相處吧!!

你有一個新留言....嘟......!!!

原來有人睇你個blog再留言比你都幾得意, 尤其嗰啲唔多會見面嘅朋友. 同佢地一年可能只會見三幾次, 平日又唔多so你, 但互相看對方個blog, 總可以知道多一啲對方嘅嘢.

新手機

為咗配合我寫blog的大業, 尋日和little Fai去咗買部新手機, 有300萬像素, 好過以前部

Samsung好多,而且仲加埋個card-reader,可以比我响公司lunchtime時寫, 真暢快

東亞銀行的迷團

尋日東亞發生疑似清盤事件, 我都掙啲排埋一份, 香港人就係咁樣, 好嘢唔會咁易信, 衰嘢就信到十足, 究竟係件事嘅問題, 定係我地諗嘢太悲觀呢? 真係一個迷~ ~ ~ ~ ~ ~