可愛教主

這是我的小姨生, 現年只有兩歲, 但什麼都會說, 而且很懂得討人歡心, 她心情好時會望著你笑, 會說一些新話題來吸引你的主意, 例如: 好好天又無段段話外面行雷, 佢好驚驚, 要你抱抱, 成日古靈精怪, 無時停; 但心情唔好時就會變小魔怪, 惡到無人有, 喊到拆天.

家中各人都說她很像我的小時候, 話佢頭髮小小, 動作多多, 焦焦即即, 同我細個一樣. 唔知係唔係因為咁, 所以對佢特別有feel. 有時望住佢都會幻想下: 唔知我細個係點架呢?.....

Michael Jackson突然死左, 其實小時候我都好鍾意睇佢架! 覺得睇佢表現好精彩, 可以令人好入神, 可是近十年已走火入魔. 可能當一個人去度太高峰, 真係唔容易release壓力, 我都係鍾意做平庸嘅我.........

成長

又係蘇太與你嘅時間喇! 今日嘅topic係'成長', 如果怕悶就唔好睇落去喇!

自少很喜愛去逛文具鋪, 就算只係望下都開心, 到現在不用讀書仍然有呢鋪引! 其中吸引我的就是買書簽, 有一張我很喜愛的, 會留著鼓勵自己. 內容是: 勇敢, 是面對開心和不開心.

很多時候當我們遇到困難, 主動的人會希望去改變這世界來迎合自己, 被動的人卻會避開不去想, 試圖從熱鬧中令自己不用靜下來. 我向來是主動派, 當然會想改變全世界來迎合自己. 但很興幸曾經有過一次8年愛情長跑的失敗, 它令我明白'接受' 比刻意改變或逃避來得簡單及有效. 要接受自己身邊所發生的事, 才懂得如何面對, 無論是性格, 能力或遭遇. 因為勇敢是面對開心和不開心嘛!........

尋日係我地結婚一週年, 呀唔係, 係一個月嘅日子. 我地加插咗一個簡單而隆重嘅切餅儀式..... (不過個餅好難食)

又病的小蘇太

呢排成日喉嚨痕咳, 每次咳都要咳到想嘔咁先會停, 想嘔得多, 開始胃痛, 痛咗兩日, 今日終於忍唔住, 請咗一日sick leave 去土瓜灣一個好多人嘅醫生度睇, 佢話我氣管敏感, 咳引致胃抽筋, 原來胃痛真係好辛苦架....

夏日炎炎正好眠

今日星期六, 安排咗個鐘點姐姐來做清潔, $60/hr, 兩個星期一次, 每次做三個鐘, 今次係第二次來, 感覺好爽, 佢就响度做, 我地就响度嘆冷氣, 放假唔使忙於家務, 可以真正休息下, 真係人生一大快事! ...........

很有心思的結婚禮品

星期六小Joy到訪我地屋企, 佢神神秘秘咁話攞嘢來, 原來係送份結婚禮品比我地. 係一對我同little樣嘅公仔, little個樣都幾似, 雖然我就唔係好同樣, 但件衫真係做到一毛一樣, 而且, 心意搭夠, 我真係好鍾意, 好有紀念價值呀! Joy Joy, 多謝你

單身女性

今晚同之前提過嗰個物以類聚朋友食飯, 每次同佢傾計都好盡興, 因為大家都會毫無保留咁表達自己嘅意見, 我係心直口快嘅人, 所以無咩耐性對住啲吞吞吐吐嘅人, 口不對心要人估佢諗咩嗰隻就更想死.

呢個朋友人品其實幾好, 但暫時仲係Single, 我身邊都有不少女性朋友都係單身, 大部份都有著同一種特質, 就係被動, 同埋收埋自己, 人愈大生活圈子愈細, 就愈唔會將自己嘅嘢同人講, 懶懶閒好快就一世, 如果真係有合眼緣嘅人出現, 就要主動爭取機會. 無人會知道老咗會係點, 就算而家有另一半嘅人都唔會知道老咗係唔係一個人,但襯後生唔係應該敢愛敢恨, 去爭取自己想要嘅嘢咩, 老咗起碼唔會後悔呀!

High season

放完婚假後, 每一天都是忙...忙...忙, 因為公司現在是High season, 每天都做個不停, 星期一更是少有的十點多才離開. 我總覺得自己的工作效率比以前低了, 定還是同一個環境, 同一種工作4年多, 已開始覺得厭倦, 每天總是提不起勁把工作做到能力範圍內的最好. 可能現在的工作不是我的理想, 但這又是馬虎的理由嗎?

安穩與理想總難以共存, add oil 吧! 生活總有苦悶的時候 :)