終於完成咗我同little嘅婚禮, 雖然有啲辛苦, 但很開心, 這幾天感覺好得意, 一日內改變咗好多嘢, 尤其係稱呼, 由世伯伯母變成老爺奶奶, 由男朋友變成老公. 由單身變成雙身(已婚). 雖然壓力難免大咗, 但相信只要盡咗力, 亦無愧於心.
昨日回娘家執拾自己嘅衣物, 離開時遠遠見到媽咪流淚. 當一刻好心痛, 感覺好似我令媽咪唔開心咁, 我知道佢地唔捨得我, 其實我都係. 好在我唔係嫁得遠, 可以話見就見唧!
結婚當日, 得到好多親友嘅幫忙和祝福, 在此再說一次'謝謝你們'. 尤其一直响我身邊二十年嘅一位好友及其丈夫, 每次我有需要, 佢都會無聲無色咁出現眼前, 雖然有時長氣咗啲, 但不知不覺間我地已經由兩pair人, 變為4個好朋友了!
沒有留言:
張貼留言