真摰的友誼

近來開始派貼, 聯絡返一啲很久沒見的朋友, 因為担心他們不想來, 所以都先問清楚佢地才發貼, 但意外地大部份都會出席, 其中的有兩位我感到有點內疚, 就是當年他們結婚請我, 我卻因覺得on居和怕悶而沒有去, 今日我戰戰兢兢咁去問人地時, 佢地都好開心咁一口答應了. 可能佢已經唔再記得呢件事, 但在我來說卻值得一再警惕自己. 別人的心胸總是闊過我所認為的, 下次有朋友請飲, 我都會盡可能出席.