無事可記

呢幾日因為工作攪到心情有啲煩躁, 生咗兩粒豆豆, 真係唔底, 明天放假希望可以放鬆一下吧!

女人需要愛,男人需要尊重

仲有不足一個月, 我和Little便開始我們的新生活.

朋友見我就快結婚, 送了一本書給我, 名叫: 女人需要愛,男人需要尊重. 內容大至同我之前提及過的'男女大不同' 相似, 但範圍就收窄了, 重點講愛與尊重. 其實人人都需要得到愛和尊重, 不論男or女, 愛情, 親情or友情. 但女人需要嘅愛比男人多, 而男人則需要尊重多一點.

但很多時候鬧交都係因為彼此得不到自己想要嘅嘢, 書中強調如果女人需要得到男人嘅愛, 就一定要無條件地對對方付出尊重 (相反男人一樣), 無條件付出係就算感覺唔到男人嘅愛, 都要一樣咁尊重佢, 相反男人就算感覺唔到對方尊重自己,都要繼續給予愛, 日子久了大家都會得到自己想要嘅嘢. 好喇! 講咗咁耐好悶呀呵! ............

Anyway, 如果你感情出現了問題, 問題一定係雙方都有, 一隻掌拍唔響嘅>>>, 唔好等人地對你付出先喇! 嘗試將自己嘅感覺放低一點, 冷靜啲多諗一下對方嘅處境, 可能又會有啲新嘅睇法呢!

真摰的友誼

近來開始派貼, 聯絡返一啲很久沒見的朋友, 因為担心他們不想來, 所以都先問清楚佢地才發貼, 但意外地大部份都會出席, 其中的有兩位我感到有點內疚, 就是當年他們結婚請我, 我卻因覺得on居和怕悶而沒有去, 今日我戰戰兢兢咁去問人地時, 佢地都好開心咁一口答應了. 可能佢已經唔再記得呢件事, 但在我來說卻值得一再警惕自己. 別人的心胸總是闊過我所認為的, 下次有朋友請飲, 我都會盡可能出席.